(07/11/2014, 12:19)Site Yönetimi Yazdı: کپنک‌لر داشینیر قوزولار روحومو اوتلار جاناوارسیزلیقدان و چوبان قوردو بئجرمک‌ده داوارسیزلیقدان *** هر یئتن سئوگیلیمین پئنجره‌سین بویلاندی کؤنلومون شهری تالانماقدا دووارسیزلیقدان *** بیر آغاج کؤرپونون اوستونده اوزانمیش دره‌یه اؤزونو اؤلدوره‌جکمیش گئجه نارسیزلیقدان *** اؤلو بیر سَس سکوتون تابوتو چیینینده گئدیر چیچه‌یین یاس تؤره‌نینده، بو باهارسیزلیقدان ** سرطان، شوک و اؤلوم، آه اوزانیب تخته وطن هئچ سئروم داملامیر آخمیر بو دامارسیزلیقدان *** کپنک‌لر داشینیر پنجره‌سیز گولدان‌دان گئدیرم گؤزلریمی باسدیرام عارسیزلیقدان *** ایلقار موذن‌زاده 91-یاز-خییوو Kepenekler daşınır Quzular ruhumu otlar canavarsızlıqdan... Və çoban qurdu becərməkdə davarsızlıqdan... *** Hər yetən, sevgilimin pencərəsin boylandı... Könlümün şəhri talanmaqda duvarsızlıqdan... *** Bir ağac körpünün üstünde uzanmış dərəyə... Özünü öldürecekmiş gecə, narsızlıqdan.... *** Ölü bir səs, sukutun tabutu çiğninde gedir... Çiçəğin yas törənində, bu baharsızlıqdan... *** Sərətan, şok və ölüm, ah! Uzanıb təxtə vətən... Heç serom damlamır axmır bu damarsızlıqdan... *** Kəpənəklər daşınır pencərəsiz güldandan... Gedirəm gözlərimi basdıram arsızlıqdan. *** Ilqar Moazzenzade ***
